Лапароскопия аз жарақаттайтын оперативтік араласуға жатады

Лапароскопия аз жарақаттайтын оперативтік араласуға жатады, себебі үлкен тілік жасалмайды, сондықтан тіндердің және адам органдарының қалпына келу мерзімі қысқарады. Алайда әрбір операциядан кейін қалпына келу қажет. Операциядан кейін бір ай ішінде ағзаның қызметтері мен жалпы жағдайы қалпына келе бастайды. Дәрігерлік ұсынымдарды мұқият сақтау толық сауығып кету кепілі болып табылады. Оңалтудың негізгі бағыттары – физикалық жүктеме режимін, диетаны, дәрі-дәрмектік емді сақтау және жараға күтім жасау. ✔️ Операциядан кейін 4-6 сағатта пациент орнынан тұра алады. Кереуеттен біртіндеп тұру қажет, алдымен біраз уақыт отырып, егер әлсіздік болмаса және басы айналмаса тұруға және жүруге болады. Бірінші рет медицина қызметкерлері бар кезде тұру ұсынылады; ✔️ Операциядан кейін келесі күні пациентке стационарда емін-еркін жүруге, сұйық тамақ: айран, сұлы жармасын, диеталық сорпа ішуге болады және әрі қарай әдеттегі сұйық тамақ ішу режиміне көше алады; ✔️ Оперативтік араласудан кейін алғашқы 7 тәулікте диета сақтау қажет; ✔️ Арқамен жату ұсынылады. Көңіл-күйі жақсы болса, тігісі ауырмаса және дренажды түтік салынбаса, онда бір қырынан жатуға болады. Ал ішімен жатуға болмайды. Лапароскопиялық операциядан кейін1айға дейін диета сақтау талап етіледі. Ауыр тағамдарды жеуге болмайды. Мына тағамдарды алып тастау ұсынылады: ❗Майлы, ащы, көп мөлшерде өсімдік, сары майда қуырылған тағамдар. ❗Маринадталған, кептірілген тағамдар, консервілер; ❗ Майлы ет, шошқа майы; ❗ Іштің кебуін туғызатын жаңа әзірленген сары майлы қамыр, кондитерлік бұйымдар, кәмпиттер; ❗Ішімдік. ✅ Күніне 4-6 рет тұрақты тамақтану ұсынылады. Жаңа тағамды рационға біртіндеп қосқан дұрыс, операциядан соң 1 айдан кейін дәрігердің ұсынуымен диеталық шектеулер алынып тасталуы мүмкін. Денсаулық тілейміз, емдеуші дәрігердің барлық ұсынымдарын жасауға тырысыңыз.