Артық салмақ май тінінің түзілуі, дене салмағының орташа нормадан 20% артық болуы. Семіздік энергияны тұтыну (диета) мен энергия шығыны (физикалық белсенділік) арасындағы теңгерімсіздіктен туындайды. Әлемде жасына, нәсіліне және жынысына қарамастан артық салмағы бар адамдар көбейіп барады. Бұл жағымсыз көрініс қана емес, адамдар аса мән бере бермейтін өте күрделі ауру.
-Семіздік 2 типті қант диабеті, артериялық гипертензия, жүрек-қан тамырлары аурулары мен бауырды май басу жағдайларын арттырады. Сондай-ақ адамның тірек-қимыл аппаратына және ерлердің де, әйелдердің де ұрпақты болу функциясына әсер етеді. Семіздік қатерлі ісіктің кейбір түрлерінің даму қаупін арттырады. Салмағы үлкен адамдардың ұйқысы бұзылып, өмір сүру салты мен физикалық белсенділігі төмендейді." дейді Ұлттық госпитальдің салауатты өмір салтын ұстану бойынша дәрігері Флюра Сымайлова. ДДҰ сарапшыларының мәліметі бойынша, 2019 жылы әлемде 5 миллионға жуық адам семіздіктен көз жұмды. Өлімнің себептері жүрек-қан тамырлары аурулары, қант диабеті, қатерлі ісік, инсульт, тыныс алу және ас қорыту органдарының созылмалы аурулары. Семіздікті емдеу мультидисциплинарлық тәсілді қажет етеді. Әртүрлі профильдегі дәрігерлердің соның ішінде диетологтың, психологтың, эндокринологтың, кардиологтың және басқа мамандардың қатысуымен өткізіледі.
Диета мен жаттығудан басқа, емдік және хирургиялық емдеу әдістері бар. Дәрілік терапия BMI 30 кг/м2-ден асатын науқастарға тағайындалады. Диета және физикалық белсенділік 3-4 ай ішінде оң нәтиже бермейді. Артық салмақпен күресудің ең тиімді жолы - оны ерте анықтау және дер кезінде қолға алу. "Семіздіктің дамуын бәсеңдетуге болады. Бұған адамның өзінің ынтасы керек. Ең алдымен дұрыс тамақтану және өмір салтын өзгерту қажет. Ақуыздар, майлар мен көмірсулардың, сондай-ақ витаминдер мен талшықтардың жеткілікті мөлшері бар теңдестірілген диета салмақ жоғалтуға ғана емес, жалпы денсаулықты жақсартуға көмектеседі. Калория тапшылығын жасаңыз. Түскі ас бөлігінің 50% көкөністер, 25% ақуыздар және қалған 25% гарнир болуы керек. Таңғы асты қалдырмаңыз. Тұрақты, түрде таңғы ас ішу (майлы емес) күні бойы тәбетіңізді бақылауға көмектеседі. Сондай-ақ ұзақ мерзімді салмақ жоғалту стратегиясының бөлігі болуы мүмкін. Асықпай тамақтаныңыз, жақсылап шайнаңыз. Бұл толыққанды сезінуге және тамақ мөлшерін азайтуға көмектеседі. Суды және қантсыз сусындарды көбірек ішіңіз. Таза суды және көк шай сияқты сусындарды үнемі тұтыну ылғалды сақтауға көмектеседі Спортпен айналысыңыз. Дене белсенділігі калория шығынын арттырады және салмақ жоғалтуды тездетеді. Стресске төзімділікті және оны жеңуді үйреніңіз. Ішімдіктен аулақ болыңыз. Диета мен жұмыс кестесін де қадағалаңыз. " дейді дәрігер Флюра Смайылова.
