БАҚ қызметкерлері күнінің қарсаңында Совмин алматылық журналистер мен блогерлерді пресс-турға шақырды.
Қонақтарға аурухана музейі, нейрохирургия, соматика, физиотерапия бөлімшелері мен емханасы және саябағы таныстырылды. Серуеннен кейін медиа өкілдері ПІБ МО ОКА басшылығымен кездесіп, ашық әңгіме құрды.
🏥 Дәрігерлер биыл 94 жыл толатын аурухананың дәстүрлері, мұнда қандай адамдар істеп, кімдер ем алғаны жайлы әңгімелеп берді. Атақты Совминде мемлекет басшылығындағы тұлғалар, Жамбыл, Мұхтар Әуезов, Бауыржан Момышұлы, сондай-ақ КСРО-ға танымал Любовь Орлова, Галина Уланова, Наталья Сац сынды жұлдыздар емделген. Қонақтар аурухананың озық технологиясымен де танысып шықты.
ОКА өкілдері журналистердің клиникаға деген назарын аса бағалайтынын жеткізді. Жарты жылдың ішінде аурухана жайлы жүзге жуық көрнекті мақала жарық көрді – біз үшін бұл үлкен құрмет.
💐 Совмин ұжымы Қазақстан журналистерін кәсіби мерекесімен шын жүректен құттықтайды! Жазарыңыз таусылмасын, қаламыңыз мұқалмасын, еңбегіңіздің жемісін көріп, құрметке бөлене беріңіздер!
