«Дәстүрлі қазақ медицинасы» айдарында массаж туралы айтпақпыз.
Қазақ медицинасында массаждың түрлі тәсілдері бар. Солардың бірі – «үзу» массажы. Массажшылар бұл тәсілді түйін боп қатып қалған бұлшықеттерді босаңсытып, бұзылған қан айналысын қалпына келтіру үшін қолданған. Лимфалық ағын мен жүйкелік импульстің берілуі реттеліп, нәтижесінде бұлшықет жақсырақ өсе бастайды.
Бұл массаж тәсілінің терең және үстіртін түрі бар. Оның көмегімен қимыл-тірек аппаратын, омыртқа жарығын, ишемияны және тіпті тұмауды емдеген.
Массаждың тағы бір түрі «өс-өс» деп аталады – оны бір жасқа дейінгі бөбектерге жасайды. Кішкентай баланың денесін өс-өс жасап уқалау оның сүйек-бұлшықеті дұрыс өсіп-дамуы үшін пайдалы.
