24- наурыз бен 3- сәуір аралығында Алматыдағы Ұлттық госпиталь мен қалалық кардиологиялық орталық базасында Неаполитан университетінің профессоры Плинио Чириллоның «Стационардағы терапия, амбулаториялық-емханалық терапия» пәні бойынша білім беру, клиникалық және ғылыми жұмыстарының оқу бағдарламасы өтіп жатыр.
Бағдарламада - дәрістер, тақырыптық сессиялар, шеберлік сыныптары, клиникадағы жұмыс, пациенттерге кеңестер, С.Д.Асфендияров атындағы ҚазҰМУ кафедрасындағы жұмыс кестелері енгізілген
- Алматыға осындай деңгейдегі маманның келуі – медицина саласы үшін аса маңызды оқиға, - дейді медицина ғылымдарының кандидаты, профессор, Ұлттық госпитальдің кардиолог-тромбологы Ахметжан Сүгірәлиев. - Кардиология бөлімінің алдыңғы қатарлы биомедициналық ғылымдар кафедрасының профессоры - 1224 жылы ашылған «Федерико II» әлемдегі көне университеттердің бірінің өкілі. Плинио Чирилло ғылыммен айналысып қана қоймай, дәрігерлерді оқытады, күрделі ауруларды емдейді, операция жасайды. Біз профессормен бірге госпитальдің реанимациясындағы және онкохирургия, нефрология бөлімшелеріндегі науқастарды тексердік. Ол ішкі медицинаны жақсы білетінімізді айтып, біздің жұмысымызға жоғары баға берді. «Аурухана Ұлттық медициналық университеттің ішкі аурулар кафедрасы қызметкерлерінің консультативтік қолында» екенін айтты.
Ал 1- сәуірде «Тянь-Шань» Гранд қонақ үйінде және 2- сәуірде Алматыдағы Ұлттық госпитальдің конференц-залында «Ішкі медицинаның негізгі мәселелері» атты 4-ші ғылыми-практикалық конференция өтеді. Іс-шараны С.Д. Асфендияров атындағы Қазақ Ұлттық медицина университетінің ішкі аурулар кафедрасы және «Қазақ тромбоз және гемостаз қоғамы» бірлестігі өткізеді.
Конференция барысында ішкі медицина саласындағы заманауи үрдістер мен жетістіктерді талқылауға, жетекші мамандармен тәжірибе және білім алмасуға мүмкіндік бар. Шақырылған сарапшылардың қатарында кардиологиялық ауруларды диагностикалау және емдеу саласындағы тәжірибесімен және соңғы зерттеулерін ортаға салатын профессор Плинио Чирилло бар.
