Біздің ауруханада жоғарғы және төменгі аяқ-қолдың шеткі жүйкелеріне ультрадыбыстық зерттеу жүргізу басталды. Бұл тексеру жүйкенің негізгі өзегінің жағдайын нақты бағалауға, қалыптан тыс өзгерістерді анықтауға және жүйке импульсінің дұрыс өтуіне кедергі келтіретін себептерді табуға мүмкіндік береді.
Шеткі жүйке жүйесінің аурулары ересектер мен балаларда анықталатын барлық сырқаттардың шамамен тең жартысын құрайды.
Зерттеу мына тәртіппен өтеді:
- жүйке өзегін бағалау;
- зақымданған жерін анықтау, оның қаншалықты созылғанын және дәл орнын белгілеу;
- айналасындағы тіндерді көзбен шолып бағалау;
- аурудың бастапқы кезеңіндегі өзгерістерді ерте анықтау.
Бұл өте дәл тексерудің бағасы магниттік-резонанстық тексеруге қарағанда әлдеқайда төмен. Тексеру ауырсынусыз өтеді, сәуле әсері болмайды, қарсы көрсетілімі жоқ және науқастан арнайы дайындықты талап етпейді. Жүйке ұштары әр қырынан қаралып, толық ұзындығы бойымен зерттеледі.
Қай кезде ұсынылады?
- аяқ-қол сүйегі мен жұмсақ тін жарақаттарында, оның ішінде ортопедиялық және хирургиялық ем-шаралардан кейін;
- жүйке жарақаттанғанда;
- жүйке жарақатынан кейін жасалған ем нәтижесіз болса;
- бірнеше шеткі жүйке қатар зақымданғанда;
- шеткі жүйке қысылып қалғанда немесе қан айналымы бұзылып, ауырсыну мен қызметінің төмендеуі байқалса;
- жүйке өзегінде ісік болуы мүмкін деген күдік болса;
- сезімталдық немесе қимыл-қозғалыс бұзылып, себебі анықталмаған бұлшықет жүдеуі байқалса;
- буынның тозу ауруында, сіңір қынабының қабынуында, қант диабетіне байланысты жүйке зақымында, асқынған буын қабынуында.
