Жерге келетін магниттік дауылдар адамның көңіл-күйіне әсер етеді. Мұндай күндері Алматыдағы Ұлттық госпиталь емханасының дәрігерлеріне шағымданушылар қатары көбейеді. «Күн депрессиясы» жүрек-қан тамыры аурулары бар адамдарға сондай-ақ компьютерде ұзақ отыратындарға ерекше әсер етеді.
Ұйқысыздықтың созылмалы түрі бар, жұмысы күйзеліске апаратын адамдар жасы мөлшеріне қарамастан, әлсіздікті, бас ауруын, жиі ашулануды, ұйқышылдықты сезіне бастайды. Жұмысқа қабілеттілік пен есте сақтау айтарлықтай төмендейді.
-Магниттік дауылды сезіну 15-16 жастағы жасөспірімдерде де орта жастағы адамдар мен қарттарда да болуы мүмкін . Мұндай кезде жастардың да қысымы көтеріледі. Көбінесе бұл шаршаудың , ұйқы қанбаудың, кофені және энергетикалық сусындарды тұтынудың салдарынан дейді дейді терапевт Жадыра Мұхаметрахым.
- Артериялық гипертониясы бар пациенттер қан қысымының көтерілуіне шағымданады. Оларға күнделікті көмектесетін дәрілерді қолданғанда да көмектеспейді дейді дәрігер. Бастың ауыртпалығы маңдайыға, желкеге қысым түсіреді, әлсіздік байқалады. Жалпы алғанда, пациент өзінің жағдайын толық сипаттай алмайды.
Магниттік дауылдардың әсерін азайту үшін терапевт газдалмаған кәдімгі суды көп ішуді ұсынады . Ол денедегі күйзелісті жеңуге көмектеседі. Жақсы ұйықтап, (кем дегенде 7-8 сағат), таза ауада көбірек серуендеу керек. Контрастты душ қолдануға болады, бұл қан айналымын жақсартады. Дұрыс тамақтанып, ауыр, майлы тағамдарды аз қолданған жөн. Көкөністер мен жемістерді көбірек пайдаланған (рационға құрамында магний көп болатын жаңғақтарды, банандарды) дұрыс.
- Гипертониктер қан қысымын бақылап, дәрі-дәрмектерді уақытылы қабылдаулары керек. Кофе, алкогольдік ішімдіктерден тиылып, , стресстік жағдайлардан, ауыр физикалық жүктемелерден бас тартқан дұрыс - деп жалғастырады Жадыра Мұхаметрахым. Метеорологияға тәуелді жасөспірімдер мен жастар да осы кеңестерді тыңдап, гаджеттерді, компьютерді қолдану уақытын азайтулары керек.
